17 yaşadək qızlardan ibarət komandalar arasında 2012-ci ildə Azərbaycanda təşkil olunacaq dünya çempionatına hazırlıq işləri ilə tanış olmaq məqsədilə FİFA nümayəndələri Oliver Voqt, Monika Huser, Stefan Uistuba, Aleksandra Knok və Kim Yeu Bakıda səfərdədirlər. Səfər proqramı çərçivəsində beynəlxalq futbol qurumunun nümayəndələri AFFA tərəfindən tikilən stadionlarda olacaq, dünya çempionatına hazırlıq çərçivəsində media və marketinqlə bağlı görülən işlərlə tanış olacaqlar.